Entry No. 27 : Maa Ko Gale Lagaunga

Maa, tujhe iss baar zaroor
gale lagaunga..
Is baar nahi
toh phir kab lagaunga?
Tere pyar ke wajood ke kisse
bohot sune hai maa
iss khali waqt mein
tujhe dekh ke samajh jaunga
aaj nahi toh phir kab
tujhe gale lagaunga.
meri bimar halat mein
tu paas aa jati hai
mere bachpan ki harqatonke
kisse yaad dilati hai
kal sheher lautkar apne
ye mai sabko sunaunga.
maa aaj nahi toh phir
kab gale lagaunga.
mai simat kar khwaeeshein apni
tere paas rehna chahunga
fal sabzi bazaar mein
lene mai hi jaunga
kal jab tu thak kar baith jayegi
kursi par
mai dheemi aanch par
dal pakane lag jaunga
tujhe aaj nahi toh phir maa
mai kab gale lagaunga.

Karan Sarda

Follow him @sardakaran

Click here to check out posts of other contestants!