Han, toh main keh raha tha ki mere kuch sawal hain tumse. Puchu kya?
Jawab toh dogi na?

Han, toh fir mujhe ye btao ki,
Aasaan tha kya tumhare liye mujhe yoon chhod jaana?
Matlab, zrur aasaan hi raha hoga magar fir bhi
Tumhe kabhi nahi aaya hoga kya mera khayal?
Tum nahi tadpi hogi kya meri tarah?

Aadhi raat ko achanak se jaag jaana aur fir puri raat yunhi bechaini mei guzaarna
Tab tak ki jab tak sab adrishya na ho jaye!
Kya ye sab nahi hua kya tumhare saath?

Badi majboot ladki ho yar tum toh

Kyunki, humne toh roz saamna kiya hai in sab ka
Roz nafrat ki hai tumse aur fir, jab thak jaane ke baad bahut pyaar bhi aaya tumpe

Roz guzra hu tumhari yaadon ke galiyare se
Roz yaad kiya hai tumhe
Iss beech tumhe meri yaad nahi aayi kya ek baar bhi?

Badi majboot ladki ho yrr tum toh

Meri Yaad Nahi Aayi?

Meri Yaad Nahi Aayi?

Kyunki, humne toh saala roz khudko kosa hai
Aur jab kabhi galti se bhi tumhare liye kuch bhara-bula nikla ho mann se
Toh dil ne fatkar bhi bahut lgayi hai

Har jaagti subah ke sth tumhara naam liya hai
Aur har dhalti shaam tum yaad aayi ho, tumhari kami khali hai

Aur fir raat ke gum sannate mein, apne saath bitaye kuch haseen palo ko yaad kiya hai,
Isi soch mei ki kya alag hota jo tum ab bhi saath hoti
khud pe kabhi taras aaya hai, aur kabhi khudko khushkismat bhi samjha hai,
Aise ki tumhe jaanne ka mauka mila

Toh main btaa rha tha ki mere din toh abhi tak aise hi guzre hain
Roz tumhe yaad kiya hai, aur fir tumhe bhool bhi gaya hu aise ki tumhara kabhi koi astitva hi na raha ho
Asliyat mein toh roz khudse jhoot bolta aaya hu main.

Are han, main toh ye puch raha thaa ki tumhare sth bhi aisa kuch hua kya?
Tumhari bhi raat aise hi gum andhere mein beeti kya?
Kya tumhe bhi thik usi tarah meri kami khali jaise mujhe har dhalti shaam tum yaad aati thi?
Kya tumne bhi khudse jhooth bola kabhi is dauran?

Nhi naa?
Kya majboot ladki ho yrr tum.

Govind Jha

Follow him @____govind.26_03

Click here to check out posts of other contestants!


0 Comments

Comment here