Entry No – 48 : Socha tha Bade Ho kar

Ab Kya bataye apko .. humne socha tha bade ho Kar papa ke kisse pe book likhenge .
Bade hote hote apne kisso mein hi itna ghum Gaye ki logo ko ab bataya karte hai apni kahaniya
Batate phirte hai ki Dil tuta tha .. , bahut padhai karne ke bad bhi exam mein fail ho Gaye the.
Jaha socha tha ki papa ki bachpan ki shararto se lekar unke ek kitchen ke slab mein so kar apne college ke din bitana .. ye sab bataungi

Bata dungi iss duniya ko kaise mere papa ne 45 degree ki Garmi mein bina fan ke reh kar exam bhi pass kiye the vo bhi CMA vale
Ki kaise unhone hum do behno ko itne pyaar se bada Kiya aur kaise ye sikhaya ki ” waqt bahut balwaan hai aur Khushi hamare andar hi chupi hai “
Aaj bhi yad hai vo din mujhe jab papa ki nokri chale jane pe hamare kiraye ke makan se kuchh log sara saman utha kar leja rahe the . Un thand ke dino mein bas kuchh gadde hi bache the hamare paas , kaise meri Maa heater mein dhudh garam karti thi aur papa kaam dhund rahe the taki mere school ki fees jama kar sake. Kaise hamari sari savings khatam ho gai thi.
Hum 2 betio ko le kar sleeper class mein nanaji ke ghar jate the
Uska bhi ek alag maza tha
Aur phir udhaar ke kuchh paiso se shuru ki thi Maa ne kapde ki dukan.
Aur aaj vo din bhi aa gaye hai jab main apne mann pasand kapde utha lati hu dukan se aur koi mujhse hisab bhi nai puchta.

In sabke beech bahut kuchh seekha apne maa baap se aur sabse pyaari seekh thi unki vo muskaan jo hamesha unke chehre pe thi…. Unki vo choti choti cheezo mein khushi dhund lene ki aadat.
Din vo bhi the din ye bhi hai
Khushi tab bhi thi aaj bhi hai
Bas pehchane ki deri hai

Karishma Mendiratta

Follow her @speakyourheartout14

Click here to check out posts of other contestants!