
शायद पता था उससे हम जुदा हो जाएंगे
Yaad hai mujhe kaise woh mujhe gale se laga kar
kuch der mehsoos karti thi dhadkano ko meri,
shayad pata tha usse hum juda ho jaenge,
kai dafa jaate hue achanak ruk jaati thi woh,
aur pakad kar mera haath, bina nazrein milaye
kuch khokhle vaade aur kar leti thi,
shayad pata tha usse hum juda ho jaenge,
uss roz jab hamare jism pehli bar roobaroo hue,
hokar mere nazdeek mere baalon se khelte hue,
ek ashq gira uska meri kameez par,
shayad pata tha usse hum juda ho jaenge,
uss roz jab maine kaha usse ke kyaa shaadi ke baad bhi tum itna hi pyaar karogi mujhse,
toh muskurane ki jagah,
bina jawab diye,
ankhon mein nami liye has padi woh,
shayad pata tha usse hum juda hojaenge,
woh akhri baar jab mile hum,
anjaan uske sabhi jasbaton se,
main taak raha tha usse dhyan se,
aur woh niche muh kiye geeli mitti mein
apna aur mera naam likhte hue,
sakhti se mera haath pakad kar baithi thi,
shayad pata tha usse hum juda hojaenge,
aaj yun uski kuch tasveerein dekhta hua sochta hu,
ki uski judaai mein itna tadpa hu main,
kitni tadpi hogi woh mere saath rehkar bhi
kyuki,
shayad pata tha usse hum juda hojaenge
by CA Nitin Kaushik
Check out my last post “How Quarantine is turning out to be?“
Follow me on :-
6 Comments
Jasmeet · June 3, 2020 at 14:46
well written
admin · June 3, 2020 at 19:52
thank you so much Jasmeet
glad you took time to read it
keep stumbling across the blog
will be posting something soon
1dishevelled · February 17, 2022 at 20:05
3operating
Maine Usko Tadpaya Hoga - Imaginary Lands Stories · July 4, 2020 at 23:02
[…] Check out my last post “Shayad Pata Tha Usse Hum Juda Ho Jaenge“ […]
Happy Father's Day - Just like Dad - Imaginary Lands Stories · June 16, 2020 at 19:15
[…] Check out my last post “Shayad Pata Tha Usse Hum Juda Ho Jaenge“ […]
Where Rainbows End - Imaginary Lands Stories · June 5, 2020 at 19:23
[…] Check out my last post “Shayad Pata Tha Usse Hum Juda Ho Jaenge“ […]